FERROL360 | Xoves 22 xullo 2021 | 18:38
Este venres a partir das 20.00 horas as rúas do centro de Ferrol acollerán a Ruada do Día da Patria Galega. Unha actividade convocada polo BNG, a CIG, a Fundaçom Artábria, a Plataforma Vía Galega e Semente de Trasancos.
O acto ten como finalidade comemorar o Día da Patria Galega, visibilizar a identidade e os símbolos galegos nun ambiente distendido e reivindicativo. As entidades convocantes fan fincapé no «dereito do noso país á ter plena soberanía e avanzar na construción dunha república galega».
A ruada partirá da praza do Himno Galego para percorrer as rúas do centro de Ferrol e rematar na praza de Armas. Os colectivos convidan a todas as persoas a participar na cita lucindo a bandeira galega.
Trátase da sexta ruada que se celebra na cidade naval e celebrarase seguindo as recomendacións sanitarias vixentes, coa obriga do uso de máscara e mantendo a distancia de seguridade.