FERROL360 | Mércores 10 febreiro 2016 | 17:32
Se estades interesados en participar na vindeira andaina do programa «Ponte en ruta con nós», que discurrirá entre as praias de Santa Comba e de Campelo o vindeiro 21 de febreiro, apurade porque só quedan corenta prazas.
Tedes ata o día 17 para poder inscribiros no pavillón polideportivo da Gándara, de luns a xoves en horario de 9.00 a 13.00 e de 16.30 a 18.30 horas e os venres de 9.00 a 13.00 horas. O prezo por participante é de tres euros e inclúe gastos de desprazamento en bus ata o punto de inicio da ruta e un avituallamento.
Os participantes realizarán un percorrido duns once quilómetros. A saída será do pavillón polideportivo da Gándara e os buss levará aos camiñantes ata o punto de saída da ruta, no areal de Santa Comba, en Ferrol. Tamén os levará de regreso desde a praia de Campelo, en Valdoviño, ata o pavillón polideportivo da Gándara unha vez remate a andaina.