FERROL360 | Martes 17 maio 2016 | 13:39
Endesa iniciou a revisión programada da central de ciclo combinado da vila de As Pontes, tarefa que rematará o vindeiro 22 de xuño. A compañía concretou que os traballos contarán coa intervención de 70 empregados dunha vintena de empresas contratistas, sumándose o propio plantel da instalación.
Nun comunicado, o grupo eléctrico afirma que a revisión inclúe inspeccións das turbinas de gas e do seu compresor, pero tamén levará a cabo a mesma actividade nas principais bombas de planta e procederá ao mantemento dos interruptores. Por último, inclúese a inspección e reparación de válvulas críticas e de alternadores, entre outras iniciativas.