FERROL360 | Luns 2 novembro 2015 | 15:45
O Concello de Cabanas pon en marcha esta semana unha serie de xuntanzas cos veciños para explicar como se van preparar os orzamentos de 2016 e escoitar as súas suxestións e preguntas.
O obxectivo, indican desde o Concello, é «preparar os mellores presupostos posibles para o funcionamento do Concello, tendo sempre en conta as necesidades de cada parroquia».
As xuntanzas terán lugar nos diferentes locais sociais de Cabanas, para deste xeito poder favorecer que asista a maior parte dos veciños. A hora das reunións será sempre ás 20:30 horas.
O calendario previsto será o seguinte: este mércores 4 de novembro, Local Social do S.C.R.D. San Mamede de Laraxe; xoves 5 de novembro, Local Social de Lavandeira.
O vindeiro luns 9 de novembro, Local Social do C.C.R.D. San Martiño de Porto; mércores 11 de novembro, Escola de As Viñas e xoves 12 de novembro, Local Social de Santa Cruz.