FERROL360 | Xoves 3 setembro 2015 | 10:52
Santa Icía quenta motores para celebrar este venres, sábado e domingo as súas Festas Patronais. A Comisión de Festas de 2015 ten preparada unha auténtica festa rachada para gozar durante toda a fin de semana da música dalgunhas das mellores orquestras.
Este venres arranca a festa coa actuación do Grupo Antha e a orquestra Versalles na verbena, a partires das 22:30 horas. Xa o sábado haberá o tradicional lanzamento das bombas de palenque e actuación do grupo Boomerang, ás 13:45 horas. A verbena estará amenizada polo grupo Boomerang e a orquestra París de Noia, a partires das 22:30 horas.
O punto e final das festas chagará o domingo 6 de setembro. Ese día haberá misa solemne e lanzamento das bombas de palenque e sesión vermú a cargo do grupo Fusión, contra as 23:45 horas. O Combo Dominicano e o grupo Fusión serán os encargados de pechar as festas de Santa Icía, ás 22:30 horas. .
A Comisión de Festas de Santa Icía queren agradecer a colaboración de todos os veciños e negocios que colaboraron coas súas achegas económicas para o desenvolvemento das Festas.