FERROL360 | Mércores 15 abril 2015 | 16:05
O BNG presentou no mes de febreiro unha iniciativa no Parlamento de Galicia na que pedía a concreción de datas e investimentos para a execución do novo centro de saúde de Ares por parte da Xunta de Galicia. A proposta debetirase este xoves na comisión de Sanidade a partires das 10:30 horas.
Os nacionalistas lembran que os veciños de Ares levan desde o ano 2007 agardando a execución deste proxecto e que naquel ano xa se puxeron a disposición da Xunta os terreos necesarios para levalo a cabo. Asimesmo, desde o BNG critican que o alcalde da localidade e representantes da Xunta anunciaron o comezo das obras no primeiro trimestre do 2014, pero aínda non arrancaron.
Os nacionalistas entenden este proxecto coma unha das prioridades da cidadanía de Ares e por iso levan presentadas diversas iniciativas, tanto no Parlamento como recollida de sinaturas, ao longo deste anos. Con esta última esperan conquerir un compromiso da Xunta con datas e investimentos concretos.
Publicidad
