FERROL360 | Domingo 10 maio 2015 | 20:08
Encontro do BNG de Ferrol cos veciños das parroquias de San Xurxo e Doniños este domingo, onde o candidato da agrupación á Alcaldía, Iván Rivas, lles trasladou as súas propostas para a zona. Entre elas destacan: desenvolver medidas para paliar o déficit de servizos básios da zona rural e implementar accións que axuden a desenvolver económicamente a zona e crear emprego.
Rivas explicou ós veciños a súa aposta por converter ó val de Doniños nun referente da agricultura ecolóxica mediante a colaboración e a posta en marcha de coperativas que aproveitaran estes terreos. Así, se estabelecerían acordos cos propietarios dos mesmos, mediante exencións no pago de impostos ou mediante acordos puntuais, para aqueles que estiveran dispostos a participar.
Por outra banda, Rivas asegurou que chegou o momento de poñer fin as deficiencias de servizos básicos que ten a zona rural e atender as necesidades dos veciños. Para elo indicou que é preciso abordar o saneamento do rural, tamén lembrou a grande carencia de beirarrúas e dunha rede de transporte público.
O BNG quere tamén poñer en valor e recuperar o patrimonio histórico e paisaxístico desta zona e pretende desenvolver unha serie de medidas co obxectivo de dar a coñecer o castro de Lobadiz. Así como recuperar Monteventoso e acondicionalo como mirador aproveitando a perespectiva paisaxística singular que se pode observar desde alí.
