FERROL360 | Xoves 4 xuño 2015 | 15:05
A Aula de Ecoloxía Urbana de Ferrol ten en marcha un novo obradoiro para adultos no que os participantes aprenderán a elaborar deterxente en po para a lavadora. Esta actividade, totalmente gratuíta, terá lugar os días 6 e 7 de xuño. Os interesados deben escoller unhas das dúas datas.
O material necesario corre a cargo da Aula, aínda que se recomenda aos participantes levar mandil e guantes. O horario en que se desenvolverá o obradoiro é de 17:15 a 18:30 horas. A data límite de inscrición é este xoves no enderezo electrónico auferrol@mundo-r.com ou o número de teléfono 981 944 222.