FERROL360 | Xoves 19 febreiro 2015 | 17:19
Festa por todo o alto en Neda esta fin de semana cunha axenda chea de actividades. Para este venres, está programada unha gran festa de Entroido con música e degustación de cocido. Será a partires das 21:30 horas no pavillón polideportivo municipal de San Isidro.
A entrada será gratuita, pero, iso si, haberá que ir disfrazado e con moitas ganas de troula. O baile contará coa actuación da orquestra Panamá e tamén haberá unha degustación de cocido, tan típico nestas datas.
Mentres, a XI edición da Xuntanza de Palilleiras que organiza a asociación Filigrana terá lugar este domingo no pavillón polideportivo municipal de San Isidro en horario de 11:00 a 13:30 horas e de 16:00 a 18:00 horas.
Debido a este evento haberá cambios na circulación. Deste xeito, se establece un sentido único de dirección de subida pola rúa Valle Inclán cara o pavillón e, de baixada, polos Pazos ou Piñeiros. Dende as 9:00 horas ata o remate do evento.
Publicidad
