FERROL360 | Martes 30 setembro 2014 | 20:29
A Entidad Estatal del Suelo, SEPES, efectuará unha rebaixa do 30 % no prezo de todas as parcelas en venda no polígono de Río do Pozo. Esta oferta estará vixente do 1 ó 31 de outubro e as persoas ou empresas interesadas poderán recabar máis información no Concello de Narón, no teléfono 981 33 77 00 (extensión 1204) ou no correo electrónico naron@naron.es.
A superficie total en venda suma 339.460 metros cadrados, divididos en 58 parcelas, cun prezo medio de 40 euros o metro cadrado. A maioría delas están situadas no Sector IV do polígono e teñen diferentes tamaños, desde 2.000 ata máis de 20.000 metros cadrados.
A elas hai que sumar unha parcela de 5.370 metros cadrados situada no Sector I, na rúa Bernardo Romero, e destinada a equipamento social.
