FERROL360 | Sábado 26 xullo 2014 | 15:00
A praia de Ares acolle a partires das 21:00 horas unha exhibición de baile na que se amosarán diferentes modalidades de danza. O acto terá lugar no tramo de praia ao carón do posto de socorrismo e contará coa participación da Escola municipal «Danzares», ademais do Club Móvete, Capoeira Luanda Ferrol, Brío Danza e Miscelánea.
A iniciativa pretende potenciar unha actividade que en Ares está a ter unha máis que destacada e exitosa presenza entre o público de tódalas idades. O evento está organizado polo Concello de Ares e a Escola Municipal de Danza e Baile Moderno.