FERROL360 | Sábado 28 setembro 2019 | 13:02
A Biblioteca municipal de Ferrol ofrecerá entre os meses de outubro e novembro dous talleres sobre educación e disciplina positiva. O primeiro, dirixido á primeira infancia, desenvolverase todos os martes entre o 22 de outubro e o 26 de novembro, de 17:30 a 19:30 horas.
Os talleres serán impartidos por Laura Balado, formadora e experta en desarrollo e educación emocional.
O prazo de inscrición abrirase o vindeiro martes 1 de outubro e realizaranse a partir das 09:00 horas a través exclusivamente da páxina web mediante a solicitude que se habilitará para o proceso de inscrición.
O taller está orientado a nais, pais, mestres e persoas ao coidado de nenos de entre 3 e 10 anos. Un dos obxectivos do curso é mostrar ferramentas aplicables á realidade diaria para entender o comportamento dos menores.
Por outra banda, o segundo taller está orientado para nais, pais, mestres e persoas ao coidado de adolescentes de entre 10 e 17 anos. O prazo de inscrición abre o 3 de outubro no mesmo horario que o primeiro taller.
No caso do curso de adolescentes as reunións serán os xoves entre o 17 de outubro e o 21 de novembro, de 17:30 a 19:30 horas.
A meta deste taller é entender e conectar cos menores preadolescentes e adolescentes, obter recursos eficaces e duradeiros e aprender a vivir nun ambiente onde exista responsabilidade, respecto e cooperación deixando espazo á intimidade e liberdade.