FERROL360 | Domingo 31 xullo 2016 | 13:52
A solución para erradicar os verquidos na praia de Ber, en Pontedeume, está cada vez máis preto. A Deputación Provincial de A Coruña vén de aprobar unha subvención nominativa de 185.000 euros, a metade do orzamento total da actuación, para facer fronte a esta problemática.
Esta subvención enmárcase nun estudo de Augas de Galicia para recuperar unha calidade óptima das augas e que cifra en 370.000 o proxecto. O alcalde de Pontedeume avanza que agora se negociará con Augas de Galicia a súa aportación para poñer fin aos verquidos na praia de Ber, que levan padecendo décadas os veciños e usuarios do areal.
Esta actuación completase coa xa anunciada en Pontedeume para mellorar o sanemaneto da ría que conta cunha aportación de 4.300.000 de euros e que está enmarcada nas axudas europeas dos FEDER.