FERROL360 | Venres 13 maio 2016 | 17:54
A Deputación da Coruña ven de adxudicar o servizo especial de transporte de visitantes en autobús ao mosteiro de Caaveiro durante a tempada estival. O obxectivo é facilitar a accesibilidade ao cenobio durante os meses de maior afluencia de visitantes.
Así, a Deputación habilitará de novo este verán un servizo regular de transporte entre o 1 de xullo e o 15 de setembro, que unirá o centro de interpretación e o acceso ao mosteiro, con buses de ida e volta cada hora entre as 10:30 e as 20:00 horas.
En cada viaxe efectuaranse cinco paradas nos seguintes lugares: parque natural, merendeiro, primeira ponte, segunda ponte e acceso ao mosteiro. Durante os meses de xuño, xullo agosto e a primeira quincena de setembro do ano pasado, 22.042 persoas visitaron Caaveiro.