FERROL360 | Sábado 7 setembro 2013 | 10:08

A Festa das Peras ten o poder de congregar xente de todos os puntos das nosas comarcas na vila dos Andrade, por iso, sempre poñen o máximo coidado para non perder as tradicións e seren ao mesmo tempo, un rechamo a todo o que queira visitar Pontedeume nestas datas.

Hoxe mesmo, a vila amencía ás nove coas alboradas e os foguetes, é o día do Pregón, o primeiro das festas. Ás doce do mediodía, sairán os Mómaros e Cabezudos polas rúas acompañados dos gaiteiros.
As 19:00 horas, terá lugar a tradicional ofrenda floral á Virxe das Virtudes é ás oito e media, dende o balcón do concello, o periodista eumés Evaristo Amado fará a lectura do pregón.
A partires das 23, na Praza do Conde, comezará a verbena coa orquestra Tambo, con dous pases que rematarán ás dúas da mañá.

O domingo é un dos días máis agardados por valientes e curiosos: o día da cucaña.
Érguese de novo Pontedeume con alboradas, foguetes e gaiteiros ás nove; e ás dez e media saen Mómaros e Cabezudos.
Ás 11:30 horas, haberá unha misa solemne e procesión coa banda Charamela, para deixar paso logo aos Mómaros de novo, con pasarrúas.
Ás 13:00 horas, chegará a hora da cucaña marítima e a queima do Galán.
A partires das seis da tarde, no polideportivo ‘Parque Sarmiento’, haberá exibición de Iudo e despois, ás sete, baloncesto junior feminino.
Ás 19:30, actuará a compañía Desastronauts e ás 21, a compañía de teatro Melasombra Produccións ‘Misión Sapiens’.
A verbena da noite virá a cargo da orquestra Alarma, dende as once da noite ate as tres e media da madrugada.

O luns día 9 de setembro, é o día das froitas.
As nove tocan diana as alboradas e tamén comeza a recepción de participantes no concurso ate ás 10:15 horas.
A mediodía terá lugar a entrega de premios e o sorteo e ás doce e media, unha degustación popular de productos.
Na casa da cultura ás 21:30 haberá actuación de Allegro Intermezzo e a verbena nocturna na Praza do Conde a cargo da orquestra Claxxon, dende as once ate as tres e media da mañá.

O martes 10 e o día dos fogos e da orquestra Panorama.
Coas alboradas pola mañá, os Mómaros e cabezudos, ás 11 comeza a final do torneo de tenis absoluto.
Ás doce do mediodía haberá unha misa solemne e procesión coa banda Charamela, na honra de San Nicolás de Tolentiño, coa tradicional bendición de Bolos.
Ás 18:00 horas, darase saída á cronoescalada a Breamo.
Ás sete da tarde, actuará Peter Punk e as nove a compañía de teatro DameCuerdaQueTeAto.
A verbena máis esperada, comezará ás once da noite coa orquestra Panorama. Unha hora máis tarde, botarán os fogos de artificio e a unha da mañá, sube de novo ao escenario a Panorama ate as tres e media da madrugada.

O mércores, último día de festa, é o da Xira do Eume.
Ao son das alboradas, ás 11:00 horas terá lugar a saída cara o río Eume. Ás catro e media do serán, haberá unha actuación musical e ás 23 na Praza do Conde, rematará a Festa das Peras coa orquestra Nueva Generación.