FERROL360 | Venres 11 setembro 2015 | 17:26
A Banda de Música Sementeira trasladará o seu ensaio deste sábado á Praza de Galicia. Esta cita, que comezará ás 12.30 horas, enmárcase no ciclo Música nas rúas, impulsado pola Concellería de Cultura de Narón, que dirixe a edil Marián Ferreiro.
A actividade dá continuidade a outras similares celebradas xa no municipio e nas que participaron outras agrupacións musicais de Narón, ofrecendo aos integrantes das mesmas a posibilidade de ensaiar o seu repertorio en determinados espazos públicos dos diferentes barrios da zona urbana.
No caso de que a choiva impida o normal desenvolvemento desta convocatoria, quedará suspendida ata nova data.