FERROL360 | Martes 17 novembro 2015 | 17:31
Na Praza Vella arrancou este martes o primeiro roteiro didáctico sobre a vida e pegada de Ricardo Carvalho Calero, no que participaron precisamente dos grupos de 25 alumnos do instituto que leva o seu nome.
Foi un paseo didáctico duns 80 minutos que partiu desde de Ferrol Vello, e percorreu as rúas Real, Cantón e Esteiro, para finalizar na Praza de Armas.
Esta proposta da Concellería de Normalización Lingüística, dirixida ao alumnado dos centros de Secundaria e Bacharelato de Ferrol, ten como obxectivo achegar aos máis novos o legado dun dos intelectuais galegos de referencia do século XX.
O prazo de inscrición para que os centros do municipio se anoten nesta actividade segue aberto. En total, xa figuran mais de 200 alumnos de cinco centros educativos: IES Calero, IES Casanova, IES Montojo, IES Canido, IES Catabois, IES Concepción Arenal.
A Concellería de Participación e Normalización Lingüística traballa xa na posta en marcha de novos roteiros con diversas temáticas para o 2016 a fin de dar a coñecer Ferrol aos ferroláns.