REBECA COLLADO | Ferrol | Venres 5 decembro 2014 | 14:43
A Marea de Cedeira da os seus primeiros pasos para constituirse. Esquerda Unida e Anova convoca para o día 12 de decembro unha asemblea aberta oara iniciar o proceso de crear unha candidatura municipal de base popular. Será ás 20:00 horas no CEIP Nicolás del Río.
En rolda de prensa, Alejandro del Río de EU e Camilo Casal de Anova presentaron este proxecto que busca ser unha «ferramente útil» para transformar a situación que estamos a vivir. «É hora das persoas, das persoas por riba dos intereses económicos», sinalou del Río.
Pola súa banda, Casal explicou que Cedeira é un «sitio compricado para as forzas da esquerda» xa que é un feudo do Partido Popular. Con todo, convida a todos os cedeireres e grupos políticos a participar na constitución desta candidatura e elaborar «un programa realizable e crible».
Neste senso, advertiron que os partidos que forman parte da Marea non monopolizarán a mesma, así como aseguraron que tampouco hai ningún tipo de preacordo. Deste xeito, serán as propostas e ideas dos cidadáns as que conformen a agrupación.
