FERROL360 | Luns 2 febreiro 2015 | 11:45
O mes do Entroido ven cargado de actividades na Fundaçom Artábria. Unha exposición, unha visita ao Museo de Historia Natural, participación na mobilización de Queremos Galego en Santiago de Compostela, proxección de documentais e unha cea de Entroido son algunhas das citas que ten preparadas a entidade.
A programación de febreiro arranca cunha exposición no Centro Social da Fundaçom Artábria a cargo de Maurício Castro. A inauguración será o día 6 ás 20:30 horas e a continuación haberá uns petiscos no café-bar.
Para o sábado dia 7 teñen programada unha vista ao Museo de História Natural, onde o biólogo e membro da SGHN Joám L. Ferreiro Caramês, mais conhecido como “Césio”, fará de guia para os asistentes. A cita será ás 17:30 horas e está aberta a todo o público.
O día seguinte, o sábado día 8, os integrantes da asociación viaxarán ata Santiago de Compostela para participar na manifestación convocada por Queremos Galego. Xa o día 13 no Centro Social da entidade levarase a cabo a proxección do documental Ciutat Morta. Será ás 21:30 horas e a entrada libre.
A actividade máis festeira de febreiro chega o sábado día 14 coa clásica cea de Entroido. O prezo da entrada é de 12 euros e os asistentes que acudan disfrazados pagarán 10 euros. O menú é o seguinte: Sopa, cocido, pan, sobremesa de Entroido, auga e viño. Será ás 22:00 horas. Hai que anotarse no café-bar ou no correo: correiodeartabria@gmail.com.
Pero a celebración do Entroido non queda aí. O día 20 participarán na festa que se organiza no barrio de Ultramar. Desde a asociación indican que a temática escollida é a de «ferrolan@ ránci@»,e iso que quere dicir? pois «a senhora do casino, o da cofnraria de Dolores, o da Rondalha, o militar do “polito” com a bandeira espanhola» Sairán ás 18:30horas do Centro Social.
Pecha a programación de actividades a asemblea xeral da Fundaçom Artábria. Todos os socios están chamados a acudir a esta xuntanza na que avaliarán a xestión económica, o traballo da actual directiva, así como a renovación da mesma. Será o día 22 ás 19:00 horas no centro de asociación.
Debate sobre el post