FERROL360 | Mércores 8 abril 2015 | 14:50
O Concello de Fene promove un curso de Mediadores Sociais dirixido ao persoal das entidades deportivas, culturais e sociais no que abordaranse temas como saúde comunitaria, consumo de sustancias e outras adiccións, primeiros auxilios, características e habilidades das persoas mediadoras.
Esta actividade terá lugar na Casa da Cultura os días 15, 22 e 29 de abril e 6, 13, 20 e 27 de maio, entre as 18:30 e as 20:30 horas. As persoas interesadas en participar poden anotarse no Centro Municipal de Servizos Sociais de Fene antes deste venres, 10 de abril.
Esta acción formativa inscríbese no programa Prevención de Drogodependencias e Promoción da Saúde, que financia a Consellería de Sanidade da Xunta de Galicia
Publicidad
