FERROL360 | Miércoles 26 diciembre 2014 | 19:49
A campaña “A túa vella bici vale un sorriso” chega por terceiro ano consecutivo ao Concello de Narón. É unha iniciativa solidaria que pretende que os nenos donen a bicicleta que xa non usen, por vella ou por quedarlles pequeña. Os vehículos serán para o Centro de Recursos Solidarios do municipio.
O equipo de Educación vial do Concello, dirixido por Pedro Caneiro e Simón Cabarcos, encargarase de arranxalas e poñelas nas mellores condicións posibles. O Centro de Recursos Solidarios xestionará o reparto, cuxo fin é que a bicicleta sirva de agasallo de Nadal para algúns neno de Narón.
A doazón de bicis pode facerse nos centros escolares de Narón, ata o 19 de decembro; ou tamén no propio Concello naronés, de 8:30 a 13:30 horas, ata o 23 de decembro.