FERROL360 | Xoves 3 decembro 2015 | 17:12
Os pequenos de Fene que desexen ser paxes na cabalgata de Reis poden anotarse, a partir do vindeiro mércores 9 de decembro, no Rexistro Municipal. Un máximo de 50 nenos, maiores de 6 anos e menores de 12, acompañarán a Melchor, Gaspar e Baltasar polas rúas do municipio na xornada do martes 5 de xaneiro.
Para inscribirse hai que entregar o formulario de solicitude ata o 16 de decembro. A selección farase por sorteo público no salón de sesións da Casa do Concello o venres 18 de decembro ás 11:00 horas.
Os pequenos seleccionados deberán ir á Cabalgata caracterizados de paxes reais; pastores ou apalpadores. A caracterización correrá a cargo dos pais e das nais dos menores. Os nenos irán acompañados de dous monitores por carroza.
Máis información no Departamento de Cultura e Ensino do Concello de Fene e no teléfono: 981.340.366.
Debate sobre el post