FERROL360 | Mércores 20 xullo 2016 | 10:58
A Concellería de Persoal e Seguridade de Fene organiza este xoves unha charla sobre procedementos de solicitude e medidas de seguridade, dirixida aos membros das comisións de festas. A xornada terá lugar ás 19:00 horas na Aula de Cursos do Departamento de Cultura e Ensino.
A edil de Seguridade, Sandra Permuy, indica que con esta xornada formativa preténdese informar aos membros das comisións de festas sobre os procedementos a seguir para solicitar as correspondentes autorizacións municipais así como as medidas de seguridade a observar á hora de organizar festas parroquiais e/ou gastronómicas, festivais musicais e outras actividades análogas.
A xornada está dirixida aos membros das comisións de festas e entidades veciñais organizadoras deste tipo de eventos e non precisa de inscrición previa.