FERROL360 | Sábado 25 julio 2020 | 16:45
O alcalde de Fene, Juventino Trigo, presidiu o acto de lectura da declaración institucional polo Día da Patria Galega. A ceramista fenesa Carme Romero foi a encargada de pórlle voz e lembrar, de paso ao poeta Pérez Parallé coas verbas «saúde e canta o paspallás».
Explican desde o Concello que á lembraza rememora aqueles anos nos que «rematando a guerra do 36, o ser galeguista era tan perseguido que un grupo de amigos entre os que se atopaba Pérez Parallé», para se reunir empregábanna como contrasinal.
Durante a súa intervención, a impulsora da Escola de Cerámica do Muíño do río Va, en Maniños, serviuse das súas experiencias vitais e profesionais para reivindicar o patrimonio material e inmaterial e, particularmente, a lingua: «Esta lingua tan fermosa, chea de palabras e verbas que definen con perfección todo o que teño ó meu arredor, o traballo, os meus sentimentos, as lembranzas, a natureza que me rodea, o que vivo».