FERROL360 | Domingo 10 abril 2016 | 13:12
Os portavoces dos grupos municipais de Mugardos por EU-Os Verdes-SON, ICM, BNG e PSOE veñen de rexistrar varias propostas para debater sobre a situación do transporte metropolitano na área de Ferrolterra.
Estas formacións quéixanse de que «o goberno do PP non aclare nada sobre a súa posición» relativa a este asunto e lanzan unhas medidas que, segundo indican, «recollen as aspiracións esenciais da cidadanía de Mugardos para a súa accesibilidade ós servizos sanitarios e administrativos dentro de termo municipal e cos concellos limítrofes ou coa cidade departamental».
Instan ao goberno local a estudar na Comisión de Seguimento do Transporte Metropolitano unhas medidas que teñen como obxectivo manter dentro do convenio, servizos como a lancha circular Ares-Mugardos e mellorar as frecuencias existentes para dar maior accesibilidade aos veciños.