FERROL360 | Martes 11 outubro 2016 | 10:29
A Casa da Mocidade, na Gándara, acollerá entre os días 24 e 28 deste mes un Obradoiro sobre o manexo básico do smartphone. A actividade é de balde e ofértanse un total de oito prazas, que se cubrirán por rigorosa orde de inscrición.
O prazo de inscrición para participar nesta actividade xa está aberto e os interesados deben anotarse na Biblioteca municipal en horario de luns a venres de 9:30 a 13:30 e de 16:00 a 21:00 e os sábados de 10:00 a 13:00.
Os participantes terán a oportunidade de mellorar o manexo dos seus teléfonos móbiles utilizando as aplicación básicas. O envío de datos a través dos móbiles, como fotografías, gravacións de audio, correos electrónicos, entre outros, serán algúns dos apartados a abordar neste obradoiro.
A actividade desenvolverase na aula de informática da Casa da Mocidade en horario de tarde, de 19:00 a 21:00 horas.