FERROL360 | Martes 20 agosto 2013 | 16:55
Xa estamos na conta atrás para o incio do curso escolar e os pais comezan a facer números para facer fronte o desembolso que supón mercar libros de texto, material escolar e transporte universitario. Para botar unha man ás familias, o concello de Neda abre o prazo para solicitar axudas neste senso.
As persoas interesadas en participar na convocatoria deben formalizar a súa petición nas oficinas municipais, en horario de 9.00 a 14.00 de luns a venres. O prazo rematará o vindeiro 3 de setembro.
O Concello destinará 6.000 euros ás dúas liñas de axudas, pero para optar ás mesmas hai que estar empadroado no municipio. Así mesmo, o importe das achegas virá determinado polos recursos económicos dos demandantes.
Dende o Concello informan que para calquer dúbida, en torno ás convocatorias, as persoas interesadas teñen á súa disposición os números de teléfono 981 38 02 22 e 981 38 00 39.
Debate sobre el post