FERROL360 | Martes 16 decembro 2014 | 18:29
O BNG de Ares organiza outra rolda de asembleas abertas polas parroquias do concello co obxectivo de prantexar un debate sobre a situación real de Ares «escoitando as propostas da xente e explicando dun xeito pormenorizado o noso traballo e as nosas alternativas», segundo indican desde o Bloque.
Así, tratarán a situación económica do Concello, a política de contratación laboral ou a parálise do equipo de goberno en canto á tramitación do PXOM. Tamén falarán «do incumprimento da Deputación na execución da estrada Ares-Chanteiro, a negativa da Xunta á construcción do novo centro de saúde e á ampliación do CPI», entre outras cuestións.
O calendario é o seguinte: mércores 17 ás 20:00 horas na Agrupación Instrutiva de Caamouco, sábado 20 ás 12:00 horas no Centro de Cervás, sábado 20 ás 18:00 horas no Outeiro de Chanteiro e, por último, domingo 21, ás 13:00 horas na Alianza Aresá.