FERROL360 | Xoves 9 abril 2015 | 12:11
O BNG-Asembleas Abertas de Ferrol presenta a súa candidatura ás eleccións municipais de maio este xoves no centro cultural Carvalho Calero ás 20:00 horas. Un acto que contará coas intervencións do voceiro nacional do BNG, Xavier Vence, e do candidato a alcaldía de Ferrol, Iván Rivas.
Desde o grupo indican que esta candidatura se caracteriza pola pluralidade e a renovación, xa que máis da metade das persoas que a integran non son miltantes do BNG. Estas persoas incorporáronse á candidatura mediante o proceso de Asembleas Abertas e son activistas das diversas reivindicacións sociais que se teñen producido na cidade.
O BNG preséntase a estas eleccións co convencemento de que incrementará a súa representación municipal porque segundo indica nun comunicado «non vai haber ningunha candidatura na cidade que sexa máis representativa do que é nestes momentos a sociedade ferrolá, como a do BNG-Asembleas Abertas».
Publicidad
