FERROL360 | Luns 4 novembro 2013 | 17:34

A nova tempada do ciclo Música da Ilustración posto en marcha polo Concello de Ferrol, achegará este martes ao teatro Jofre un concerto do Trío Kubelik.

Shizuka Ishikawa (violín), Karel Fiala (violonchelo), e Kvita Bilynska (piano) conformaron en 1992 un conxunto para homenaxear ao famoso violinista checo, Jan Kubelik e ao seu fillo, o director Rafael Kubelik.

Este trío de orixe checo leva percorrido medio mundo actuando en máis de 1.000 escenarios ao longo de dúas décadas. A súa discografía comprende 15 álbumes de estudo e teñen colaborado con diferentes orquestras sinfónicas e ofrecido numerosos concertos benéficos.

Na audición de mañá no auditorio ferrolán soarán as seguintes obras: L. V. Beethoven: Trío nº7, op. 97 “Archiduque”; A.Dvorak: Trío nº1, op.21.

O concerto comezará ás 20:30 horas e o prezo das localidades oscila entre 6 e 12 euros.