FERROL360 | Venres 18 marzo 2016 | 17:36
Este venres o Concello de Pontedeume celebrou un pleno extraordinario para aprobar por cuarta vez o Plan de Urbanismo de forma provisional. O texto incorpora as modificacións que foron solicitadas pola Dirección Xeral de Urbanismo, de cara á aprobación definitiva deste documento por parte da Xunta de Galicia.
A medida foi aprobada cos votos a favor do goberno local e a abstención do PP e do BNG. O alcalde de Pontedeume, Bernardo Fernández, espera que a Xunta cumpra coa súa palabra e tralas modificacións feitas lle dea o visto boa o documento urbanístico.
Desde o Concello indican que ao celebrar dous plenos extradordiarios seguidos, e non poder xuntalos temas a tratar por cuestións de prazos, o goberno local e o grupo do BNG anunciaron que non cobrarían polo pleno deste venres.