FERROL360 | Venres 11 setembro 2015 | 17:23
O colexio Jorge Juan de Perlío e o centro ocupacional de Aspaneps, asociación de pais e nais de nenos con problemas psicosociais, asinaron un convenio de colaboración para o mantemento e coidado do xardín e do horto do centro escolar.
Así, os usuarios de Aspaneps serán os encargados de coidar e mimar estas instalacións e este venres xa tiveron o primeiro contacto co xardín e o horto. Con este convenio tamén se pretende promover a inclusión socio-laboral das persoas usuarias do centro, que na actualidade conta con vinte persoas.
Cunha periodicidade trimestral, farán labores de mantemento, limpeza e compostaxe da área verde da escola. O convenio pon en valor a necesidade de implatar vías de colaboración entre os diferentes axentes da comunidade para facer real a inclusión das persoas con distintas capacidades.