FERROL360 | Martes 5 xullo 2016 | 9:13
Xa está en marcha a campaña de doazón de sangue impulsada desde o Centro de Transfusión de Galicia -CTG)- e na que colabora o Concello de Narón co reparto de 11.000 dípticos informativos. A iniciativa arrancou este luns coa instalación dunha das unidades móbiles do CTG na Praza da Constitución durante toda a tarde.
Desde o Centro de Transfusión de Galicia lembran que os niveis de reserva máis baixos na actualidade correspóndense cos grupos A+ e B+, se ben salientaron a importancia de que se realicen tamén doazóns do resto de grupos sanguíneos.
A iniciativa, entre cuxos obxectivos está incrementar o número de doazóns de sangue na localidade, continúa este martes e o mércores. En ambas xornadas a unidade móbil do CTG localizarase nas inmediacións do centro de saúde de 9:30 a 14:30 e desde as 15:30 ata as 21:00 horas.
Desde o CTG subliñaron a importancia de incrementar as reservas de sangue no verán, ao ser unha época donde soe incrementarse a demanda debido ao aumento do número de accidentes.