FERROL360 | Luns 14 abril 2014 | 17:43
Este luns comezaron en San Sadurniño as obras de urbanización da contorna do Pazo da Marquesa e o máis significativo da xornada foi o derrubamento dun antigo edificio que noutrora fora queixería.
O que se pretende é construír unha zona de aparcadoiro para uns 35 vehículos e mellorar o estado do complexo onde se integran o Pazo da Marquesa e o edificio que será a escola infantil.
Construcciones Guerreiro Somozas acondicionará a zona nun prazo máximo de dous meses, logo de se lle adxudicar a obra por un contrato de algo máis de 60.000 euros. O seguinte paso será axeitar os arredores dos inmobles con lousa e área vexetal.
