FERROL360 | Luns 2 febreiro 2015 | 19:37
Os nenos matriculados na Escola Infantil Municipal de San Sadurniño comezaron este luns o curso. Os primeiros días serán de toma de contacto co centro, coas mestras e cos novos compañeiros. Segundo indican desde a escola «o arranque non puido ser mellor. Case non houbo choros».
A intención do equipo educativo é que todos se vaian coñecendo e familiarizando cunhas instalacións nas que xogarán e aprenderán ata o mes de agosto en que remata este primeiro curso da Escola Infantil Municipal de San Sadurniño. Un curso un tanto atípico pola data de inicio.
En total foron vinte os pequenos que estrearon a Escola Infantil de San Sadurniño. Está distribuídos case a partes iguais nas unidades de 1 a 2 e de 2 a 3 anos. O centro dispón dun total de 38 prazas que non se cubriron por mor do avanzado do curso.
O prazos para reserva de praza e de solicitude para novas incorporacións se abrirá no mes de marzo.
Debate sobre el post