FERROL360 | Martes 14 xuño 2016 | 19:01
O reitor da Universidade da Coruña, Julio Abalde, presidiu este martes o acto de toma de posesión da nova decana da Facultade de Enfermaría e Podoloxía, Natalia Sobrido Prieto. No acto, ao que asistiu tamén o secretario Xeral da UDC, Carlos Aymerich, tanto Abalde como Sobrido agradeceron o labor da decana anterior, Nuria Varela, presente tamén esta mañá na Reitoría.
«Agradecer e felicitala polo traballo desenvolvido durante estes anos», manifestou o reitor, «e os mellores éxitos para a nova decana e o seu equipo nesta nova etapa na que contarán co máximo apoio institucional», engadiu.
Pola súa banda, Natalia Sobrido manifestou as gañas de traballar do novo equipo «cheos de ilusión e esperamos cumprir coas expectativas e coa confianza depositada en nós». A profesora de Enfermería, do departamento de Ciencias da Saúde, foi elixida decana pola Xunta de Facultade o pasado día 2 de xuño.
Conforman o seu equipo decanal María Elena Fraga Martínez, como secretaria; Daniel López López, como vicedecano de Calidade, e Carolina Rosende Bautista, como vicedecana de Enfermaría e Podoloxía