FERROL360 | Luns 29 decembro 2014 | 15:31
O Apalpador vai visitar por segundo ano seguido Aspanemi. Farao mañá martes, cargado de regalos e doces para todos os asistentes. O evento é aberto, polo que poden acudir os nenos que queran ver ao Apalpador. Este chega ás 18:30 horas.
Haberá un regalo do Apalpador para cada neno que asista e máis un sorteo entre os presentes no que se entregará un premio especial cortesía da Librería Galicia de Narón.
A visita ten lugar no Local Social da Solaina, que está na rúa Mercedes Freire Lago, número 4, en Narón. Organiza Aspanemi, a Asociación de Pais de Nenos con Minusvalía.