FERROL360 | Mércores 16 decembro 2015 | 17:38
A Concellería de Participación de Ferrol organiza un obradoiro de doces de Nadal para maiores e outro de agasallos para os máis pequenos este sábado. Os obradoiros son de balde e levaranse a cabo no antigo Hospicio de Amboaxe. As prazas son limitadas e hai que inscribirse no número: 650.173.205.
Os peques aprenderán a realizar agasallos de Nadal con arxila máxica, que non mancha e é lixeira e suave. Poderán participar nenos de entre 3 e 10 anos e hai 30 prazas. A actividade será este sábado de 12:00 a 13:30 horas.
Pola tarde, en horario de 16:00 a 18:30 horas, terá lugar o obradoiro de doces de Nadal para maiores de 16 anos. Hai 15 prazas.