FERROL360 | Xoves 1 agosto | 16:20
O Concello destinará uns 15.000 euros para arranxar unha das vías que máis tránsito soportan na parroquia de Naraío. O firme desta pista que une Campolabrado e A Penamoura presentaba grandes deficiencias, pero desde este xoves Canarga Construcciones traballa para arranxar un trazado de 1,2 quilómetros.
A empresa adxudicataria é unha das dezaseis compañías que se presentaron ao concurso de contratación dunhas obras cuxo importe ascendía a 22.700 euros. Logo de ofertar 14.933 euros, Canarga Construcciones faise cargo dunha reparación na que os custos irán por conta do orzamento municipal. A devandita obra non estaba incluida nas partidas para este tipo de infraestruturas cofinanciadas por outras administracións, como é o caso do POS provincial ou do PEIM Rural da Xunta e o Estado.
A pista non está cortada ao tráfico, polo que tanto a empresa coma o Concello piden precaución á hora de circular por ela mentres duren os traballos.