FERROL360 | Luns 16 setembro 2013 | 16:48
No ano 1897 nacía en Ourense un persoeiro importante para a cultura galega que exerceu de escritor, político e xornalista ao longo do século vinte.
O autor de obras tan relevantes para a nosa literatura como A esmorga, Os biosbardos ou Xente ao lonxe, formou parte do Grupo Nós, do Partido Galeguista e foi impulsor da denominada Nova Narrativa Galega.
Eduardo Blanco Amor, emigrou a Bos Aires pero sempre se mantivo arraigado a Galicia, onde sitúa a meirande parte dos seus escenarios narrativos.
Como homenaxe a esta figura, o Concello de Ferrol ten aberta ao público unha mostra que se poderá visitar ata o vindeiro 15 de novembro na Sala de Exposicións da Biblioteca Municipal Central. Con Eduardo Blanco Amor: pegadas dun autor en liberdade, a Concellería de Cultura intenta «achegar as pegadas que Blanco Amor deixou durante a súa viaxe literaria».
O horario de visita para é de luns a venres, de 09:00 a 14:00 e de 17:00 a 21:00 horas.
